Jæja..biðst afsökunar á þessari leti í okkur.. Núna er sko nóg í fréttum!!

Byrjum á jólunum.. þegar ég loksins kláraði prófin þá voru víst komin jól! Við vorum þrjú saman heima hjá mömmu og pabba í gautavík, en þar var líka Andrés og Súddi. Við höfðum það rosa gott, borðuðum rjúpur sem voru auðvitað geggjaðar. Opnuðum svo pakkana í “rólegheitum”.. Þetta var doldið öðruvísi en í fyrra þegar hún var 4 mánaða. Kolbrún var vægast sagt spennt yfir pökkunum…reif utan af þeim á milljón og öskraði svo vá þegar innihaldið kom í ljós. Svo komu amma og afi í Lautarsmára í kaffi seinna um kvöldið og Kolbrún var í þvílíku stuði langt frameftir kvöldi. Svo um ellefuleytið þá fórum við heim, og vorum svo heppin að Loftur kom og gisti hjá okkur. Sigga Helga kom líka í heimsókn, hún var að koma úr vinnunni!

Kári átti svo afmæli á jóladag, eins og alltaf ;). Við fórum á Flúðir til ömmu og afa og vorum þarf fram á annann í jólum. Svo vorum við bara á flakki á milli Flúða og Reykjavíkur allann tímann, en Kolbrúnu fannst það sko ekki leiðinlegt! Svo ákváðum við að prófa eitthvað nýtt um áramótin og fórum í sumarbústað með Ellen og Atla vinafólki okkar og börnunum þeirra. Það var alveg geggjað og við erum sko búin að ákveða að gera það aftur.

Svo kom að því að fríið var búið, Kári fór að vinna og ég byrjaði aftur í skólanum.. Kári er líka á fullu að vinna í Framadögum, en þeir verða haldnir 20. febrúar nk í Háskólabíó, hvet alla til að mæta.

Í dag fórum við svo út á gönguskíði, það er búið að vera svo geðveikt veður seinustu daga en við höfum aldrei getað nýtt okkur það neitt. Þannig að í dag fórum við til ömmu og afa hans Kára á gönguskíðunum með Kolbrúnu í eftirdragi á snjóþotu. Amma á Flúðum kom líka og Daði kom í smá stund með Anítu með sér. Við ætlum svo að vera í Gautavík í dag og borða kjúlla, Kolbrún er í þessum töluðu orðum eitthvað að rífa sig við afa sinn, er frekar ósátt við að hann sé í baði og að hún fái ekki að koma með.. Hún er ekkert frek, nei nei…

Annars er Kolbrún að verða 18 mánaða í febrúar..jæks, þetta líður alltof fljótt. Hún er orðin rosa dugleg að tala, er farin að apa allt eftir okkur. Stundum getur reynst erfitt að skilja hana en þetta er samt allt að koma. Skemmtilegast finnst henni að leika hvað dýrin segja.. Kann að leika eftir apa, górilli, fíl og auðvitað kisu og voffa. Ég ætla að reyna að setja inn myndir á morgun, er búin að fylla minniskortið á myndavélinni þannig að það er nóg til að skoða!

Vona að það sé einhver sem er ennþá að kíkja hérna inn:)

Anna

Það tók mig 13 daga að blogga frá því Anna gerði það síðast. Ég ætlaði að blogga sama dag og hún bloggaði svo það væri nú búið en það féll ekki í góðan farveg. Ég er með fleiri afsakanir sem eru reyndar miklu betri en þessi en það væri of langur listi til að telja upp hér.

Þegar ég segi að ég hafi bjargað jólunum þá vitna ég í smábitakökurnar sem ég og Andrés jr höfum verið að baka. Andi náði nefnilega í hundruðir upskriftir frægra rétta og leyndist þarna matur sem fæst á skyndibitastöðum. Má þar nefna: BigMac, KFC kjúklingavængi og SMÁBITAKÖKURNAR Á SUBWAY!! Þá var ekki eftir neinu að bíða og var hráefnið keypt um leið. Afraksturinn voru mjúkar subway súkkulaðibitakökur sem bráðnuðu upp í manni.

Annars er allt gott að frétta, Anna er í miðjum prófum og er búin með 3 af 6 og hefur gengið vel. Ég komst inn í meistaranámið en hef ekki tekið neina ákvörðun hvort ég fari í fullt nám eða taki 1 eða 2 fög og myndi þá vinna 100% vinnu með náminu. Kolbrún er alltaf að verða líkari Ragnheiði frænku sinni í hegðun. Þegar orðið hegðun og nafnið Ragnheiður eru í sömu setningu þá er líklegast verið að tala um slæma hegðun og er það engin undantekning núna. Ég vill meina að þessa hegðun má rekja í móðurættina því allir vita hversu rólegur ég var og er

Það er alveg greinilegt að það eru að koma próf þar sem að ég blogga eins og ég fái borgað fyrir það!! Um helgina ætlaði ég að vera svaka dugleg að læra en það breyttist auðvitað! Ég er búin að vera hálf slöpp núna í tvær vikur og var orðin veik á föstudaginn… En á sunnudaginn þá var ég öll að koma til og lærði smá fyrripartinn og tók svo þá ákvörðun að skreyta heima! Mjög góð ákvörðun… 

Við allavega drifum í því að þrífa allt heima á meðan Kolbrún svaf útí vagni, hengdum upp séríuna í stofunni og settum upp Gyðingaljósið.. Svo skellti Kári upp séríunum á svalirnar.. Þannig að núna er orðið doldið jólalegt heima.. Svo þegar Kolbrún vaknaði þá fórum við niðrá Austurvöll að sjá þegar væri kveikt á jólatrénu sem nágrannar okkar í Noregi gáfu okkur. Mamma, Pabbi og Andrés komu með okkur og við náðum þessari flottu ræðu á NORSKU, sem yljaði mér um hjartarætur! En eftir klukkutíma þá var okkur orðið frekar mikið kalt og drifum okkur bara heim… Þetta var mjög fínt, en Kolbrún var nú ekkert rosalega spennt fyrir þessu, hún skildi ekkert fhverju allir voru svona spentir fyrir jólasveinunum. Býst nú við því að á næsta ári verði hún aðeins spenntari..

Kolbrún er orðin svaka dugleg að tala, farin að segja ótrúlega margt.. Hún sagði td Andi í fyrsta skipti núna um helgina.. Svo segir hún tannbursta og opna.. Ótrúlegt hvað þau eru fljót að grípa hluti.. Svo auðvitað skilur hún allt sem er sagt við hana, núna er ég buin að kenna henni a’ð henda í ruslið fyrir mig, næsta skref er að kennar henni að þrífa og setja í þvottavél.. Þá er ég sátt! 

Verð víst að halda áfram hérna, styttist í próf!! JÆÆÆKS!! 

Svo er líka komið að Kára að skrifa..sjáum til hversu langur tími líður þangað til…

Anna

Afhverju höldum við Jól?

Aníta: Umm, af því að.. Umm, þá.. Umm, af því að.. af því, þá eru bara allir að halda upp á sinn dag.

Hvað langar þig í jólagjöf?

Aníta: Mig langar bara í allskonar, mig langar í, í bara, umm, bara, bara.. umm..

Leikföng eða…

Aníta: Já, bangsavél í Toys‘R us

Bangsavél?

Aníta: Já það er hægt að búa til bangsa í því

Er það til?

Aníta: Já, maður velur efni og skrúfar svona og þá kemur bangsi út.

Hvað finnst þér skemmtilegst við Jólin?

Aníta: Þá fæ ég pakka.

Hver er uppáhaldsjólasveinninn þinn?

Aníta: Stúfur.

Afhverju?

Aníta: Af því að hann er svo lítill eins og ég.

Hvernig fara Jólasveinarnir að því að gefa í skóinn?

Aníta: Þeir kaupa í búðum og koma að glugganum og þá erum við með skóinn tilbúinn í glugganum og þeir gefa þá okkur í skóinn.

En ef glugginn er lokaður?

Aníta: Þeir komast sko í gegnum allt

Þegar ég settist niður í morgun fyrir framan tölvuna þá byrjaði ég á því að skoða mbl.is og rakst á þessa frétt:

Búin að lesa hana?

Ég fékk bara tár í augun og mér hlýnaði um hjartarætur þegar ég sá þetta… Ég hef vanið mig á það um jólin að kaupa einn auka pakka sem ég læt pakka inn og set svo undir tréið í Kringlunni og ég vona að fleiri verði duglegir við það í ár!

Ég væli oft yfir því að eiga engan pening og geta ekki keypt mér hitt og þetta, en sem betur fer þá á ég bara ekkert bágt. Ég get verið með heitan mat á hverju einasta kvöldi og ég get leyft mat að skemmast í ísskápnum mínum..En því miður eru alltof margir sem eru ekki í þeirri stöðu. Seinustu jól þá fengu starfsmenn Tals 5000 kr gjafabréf í TölvuTask og margir sem sáu það að þeir höfðu ekkert við þessa inneign að gera gáfu Barnaspítala Hringsins gjafakortin sín, því 5000 krónur fyrir þeim urðu að dágóðri summu fyrir Barnaspítalann. Og sama með allar matargjafirnar, ekki láta það skemmast í frystikistunni, gefið það frekar í Mæðrastyrksnefnd!

Jiiii hvað maður er væminn svona snemma á fimmtudagsmorgni…

Annars er lítið að frétta af okkur, Kolbrún er alltaf jafn hress og kát og Kári líka… Hún er í leikskólanum á daginn og Kári að vinna.. Ég er ennþá að reyna að klára þennann blessaða skóla og ef mér gengur vel þessa önn þá útskrifast ég í júní..jíbbíjeiij!! Kári útskrifaðist í Október og er búinn að sækja um í master, en hann fær að vita hvort hann komist inn í desember.

Ég er samt búin að sjá það að ég er í röngu námi… peningalega séð þá hefði ég átt að vera lýtalæknir.. Fór nebbla til hans Guðmundar í morgun, en hann er lýtalæknir hjá Domus Medica. Ég ætlaði að fara til að láta taka 4 fæðingarbletti sem eru búnir að dekkjast svo.. En nei fyrst er viðtal.. Frá því að ég labbaði inn til hans og þangað til að ég var komin aftur fram þá liðu 5 mín.. Inní þessu var að fara úr öllu að ofan og klæða mig aftur í… 4000 krónur! Þannig að núna er ég orðin doldið stressuð yfir kostnaðinum að taka þá í burtu…sjæse. Fyrir utan það að ég og Kári vorum með streptókokka í seinustu viku, og við borguðum 10.000 krónur fyrir læknisheimsókn og nokkrar pensilíntöflur…

Hvernig er annars nýja síðan? Við nenntum aldrei að gera neitt á þessari barnasíðu eins og þið voruð kannski búin að taka eftir.. þannig að við ákváðum að hafa bara eina síðu fyrir okkur öll.. þá vonandi gerist eitthvað meira!

En ég ætla að halda áfram að lesa mér til um lítil opin hagkerfi… Bið að heilsa ykkur öllum og endilega kvittið fyrir komuna!

Kolbrún

Hæ hæ öll

Þetta er nýr staður þar sem allt milli himins og jarðar er látið flakka sem snertir fólkið á þriðju hæðinni til hægri í Laufrima 32.

Við munum einbeita okkur á miklu magni mynda frá Kára, skemmtilegum texta frá Önnu.

Ljós í myrkri, langt og mjótt
markar upphafið hjá þér.
Allt í einu ertu kominn
inní heiminn, lítill dofinn.
Dregur andann hið fyrsta sinn

Þú er vorið, vindur hlýr
vekur hjá mér nýja kennd.
Og ég græt í gleði minni,
þú gefur mér i návist þinni
svo miklu meira en trúði ég

Líf, Ljómi þinn er skínandi skær.
Líf, augu þín svo saklaus og tær.
Fegurra en nokkuð annað
Áhrifin ótvíræð:

Ég svíf
Því ég á
Þetta líf

Óskadraumur ? Ásýnd þín.
Ekkert, jafnast á við það.
Þó mig þúsund drauma dreymi,
þessa stund ég alltaf geymi,
í mínu sinni, ókomin ár.

Líf, Ljómi þinn er skínandi skær.
Líf, augu þín svo saklaus og tær.
Fegurra en nokkuð annað
Áhrifin ótvíræð:

Ég svíf
Því ég á
Þetta líf

Kveðja Mamma og Pabbi

Ps. Komnar inn nýjar myndir, 7-9 mán og 9-12 mán

Jæja, núna verða sagðar fréttir úr L32. Það helsta er kannski þetta:

Kolbrún Arna er byrjuð á leikskóla! Hún semsagt byrjaði núna í Júní á Leikgarði, sem er leikskóli sem Félagsstofnun Stúdenta rekur.. Við vorum smá stressuð yfir þessu öllu saman en það var algjör óþarfi. Hún tók strax ástfóstri við eina þar og það hefur verið ekkert mál að skilja hana eftir.

Svo er hún farin að labba með öllu, og stendur ein.. Og auðvitað farin að vinka og segja datt.. Ekkert smá dugleg!

Við erum búin að vera dugleg núna að fara á Flúðir til ömmu og afa, enda er golftímabilið byrjað hjá pabbanum.. J Kolbrúnu finnst rosa gott að komast í sveitina, sefur hvergi jafn vel og þar!

Við eignuðumst svo litla frænku í mai, og hún fékk nafnið Arndís Eva. Kolbrúnu finnst hún doldið skrýtin, en hún hlær bara að henni þegar hún er eitthvað að kvarta!

Svo erum við auðvitað búin að vera að njóta góða veðursins, Kolbrún er komin með hellings lit eftir alla útiveruna.

Amma í Gautavík var svo að koma frá San Fransisco, og Kolbrún fékk auðvitað alveg helling af flottum fötum frá henni þegar hún kom heim.

Svo erum við loksins búin að gera herbergið hennar flott, þannig að hún er farin að sofa í sínu eigin herbergi núna. Það gengur ótrúlega vel og hún er voða sátt við það sem að mamman valdi inn í herbergið hennar.

Svo er pabbinn byrjaður í nýrri vinnu…hann er reyndar ennþá hjá Tal en er komin í fjármáladeildina þar, sem er bara gott mál þótt hann sjáist lítið hérna á virkum dögum. Svo verður hann bara að vera duglegur að skrifa B.s ritgerðina sína á kvöldin svo við getum haldið heljarinnar útskrift í október!

Svo er Kolbrún að fara að eignast litla frænku/frænda í september, en Daði og Þóra Sif hafa ákveðið að halda áfram að stækka fjölskylduna!

Það er svo langt síðan að við höfum skrifað eitthvað hérna að við erum örugglega að gleyma einhverju… en við verðum þá bara að henda því inn með næstu færslu..

Við reynum svo að setja inn myndir á næstu dögum!!!

Kári, Anna og Kolbrún Arna

Fórum í matarboð til Lárettu frænku í gær.

Það var ekkert smá gaman.

Kolbrún Arna fékk fyrstu tönnina 11. apríl en þetta er fyrsta myndin sem náðist af tönninni (6 dögum síðar)
Það er önnur tönn að gæjast núna hliðiná þessari en er ekki alveg komin.

Við fórum um páskana á Flúðir og kíktum á paprikutrén hjá afa í sveitinni.